Carolus Linnaeus: carolus distinguished linnaeus

Kinua neng Linnaeus ing lagiung Carl von Linné kaibat ning kayang 1761 pamibulalag a sugi (ennoblement) kanitang 1761, nung nu mipagkalub ya ing titulung w:von. Ya ing tata nang w:Carolus Linnaeus the Younger.

I Carolus Linnaeus (ing kayang lagiu king pormang Latin) o Carl Linnaeus (Carl Linné, a kilala murin aniang mibulalag yang mapia (ennoblement) antimong Carl von Linné (help·info), May 23 new style (13 May old style), 1707^[1] - January 10, 1778) metung yang botanistang, talapanulu (physician) ampong zoolohistang Sueco o Swedish^[2] a mitikdo king pundasiun ning makabayung sistema ning w:Binomial nomenclature (pamipalagiung tidua lagiu). Ya ing ibpa ning makabayung taxonomia, ampo ing metung kareng ibpa ing makabayung ekolohia (lon ya ing History of ecology).

Mibait ya i Linnaeus king marangle (countryside) ning Småland, king mauling (southern) Sweden. Ing tata na ing mumuna karelang mikakamaganak a ginamit permanenting pilidu. Bayu ita, itang patronymic naming system ing gagamitan da, nung nu manibat ing pilidu da reng ának king lagiu da reng karelang tata, da reng bangsa king Scandinavia. Kinua neng tata na ing lagiung pormang Latin a Linnaeus ibat ketang maragul a dutung a linden ketang gabun ning pamilia. Megaral ya keraklan king Uppsala University i Linnaeus, at migumpisa yang magdiskursu king botania karin aniang 1730. Mebie ya kareng aliwang bansa manibat 1735 anggang 1738, at megaral ya ampong linimbag king minunang edisiun ning kayang Systema Naturae king Olanda o Netherlands. Mibalik ya king Sweden, at megi yang profesor ning botania king Uppsala. Aniang dekadang 1740, peparala de bang lumibut king Sweden bang maintun ampong mitinduk o mag-grupu (classify) kareng animal, tanaman ampong mineral. Mekalimbag yang dakal a libru. Aniang mate ya, kikilalanan de antimong metung kareng bantug a sientista ning panaung ita.

Peparala ne kaya ning filosofong Frances a i Jean-Jacques Rousseau: "Sabian mu kayang ala kung kilalang mas mapia pang tau king yatu." ("Tell him I know no greater man on earth.")^[3] Sinulat na naman ning talasulat a Aleman a i Johann Wolfgang von Goethe: "Liban kang Shakespeare ampo kang Spinoza, ala kung kilalang taung e na mabieng mas maragul impluensia kanaku."("With the exception of Shakespeare and Spinoza, I know no one among the no longer living who has influenced me more strongly.")^[3] Ing talasulat ibat Sweden a i August Strindberg: "Ing tutu, i Linnaeus metung yang poetang mikatagun a meging naturalista". ("Linnaeus was in reality a poet who happened to become a naturalist".)^[4]

King lagiu da reng species, ing author abbreviation a L. ing magagamit bang ipabalung i Linnaeus ing autoridad a minie ketang lagiu.

Lon la murin deti

Notes

↑ ^1.0 ^1.1 “Carl Linnaeus was born in Råshult, Småland, in 1707 on May 13th (Old Style) or 23rd according to our present calendar.” Citation: Linnaeus the child by Uppsala University. "Old Style" in the cited text refers to the Swedish calendar.
↑ Stafleu, F.A. (1976-1998) Taxonomic Literature second edition. An authoritative work on the names of botanists, their works and publication data, issued under the auspices of the IAPT.
↑ ^3.0 ^3.1 "What people have said about Linnaeus", Uppsala University website "Linné on line" English language version.
↑ Linnaeus deceased Uppsala University website "Linné on line" English language version.
↑ Brummitt, R. K.; C. E. Powell (1992). Authors of Plant Names. Royal Botanic Gardens, Kew. ISBN 1-84246-085-4.

Karagdagang babasan

Brightwell, C. L. A Life of Linnaeus. London: J. Van Voorst, 1858.

Hovey, Edmund Otis. The Bicentenary of the Birth of Carolus Linnaeus. New York: New York Academy of Sciences, 1908.

Sörlin & Fagerstedt, Linné och hans lärjungar, 2004. ISBN 91-27-35590-X

J.L.P.M.Krol, Linneaus' verblijf op de Hartekamp In: Het landgoed de Hartekamp in Heemstede. Heemstede, 1982. ISBN 90-70712-01-6

There is an article "A Passion for Order" published in National Geographic Magazine June 2007 edition about Linnaeus, commemorating the 300th anniversary of his birth.

Linneaus plays a significant role in the short story entitled "Rare Bird" by Andrea Barrett (which appears in her 1996 anthology "Ship Fever").